حاجة رومانسية تخلى حبيبك يفتكرك بيها

عايزيين كلنا ندخل ونعمل حاجات رومانسيه كده ونشوف ايه الافكار الجديده ونتعرف عليها مع بعض ولو حد حصلله حاجه رومانسيه كده وعجبته برده يدخل يقولها ونشوف ايه احلى المواقف ده واهه نعملها مع نصنا التاني ياللا ايه رأيكم

يعني مثلا لو جينا نتكلم على الورد

الورد وما ادراك ما الورد

لو مثلا تديها ورده في لحظه حلوه كده وكلام جميل ده هتبقى حاجه روعه بجد ورمانسيه اوي عشان معاها كلام رومانسي اما لو جبتها وقولتلها خدي الورده ده كده من غير احساس صدقني هتبقى عادي .

لو جينا مثلا في يوم من الايام وحبيت تعمل فيها حركه حلوه والحركه ده قريتها في مره وعجبتني اوي اوي تجيبلها شوية ورد حلو كده وتجيب ورده من اللي هي بتاعت الديكور ده القماش وتحاول تظبطها في وسط الورد بحيث انها مش تبان يعني انت وذكائك بقى تمام وتجيب كارت من ابو ريحه ده او يبقى انت ريحه ياعم المهم تكتب كلمتين حلويين كده وتظبط التظابيط في البوكيه كده وتكتب في الكارت مع كل ورده برسل اشواقي وحبي ليكي وعند آخر ورده ستدبل اعلمي ان حبي سيموت طبعا مفيش ورد هيدبل ياعم الحاج انت وهو مش كده ولا ايه يبقى اكيد حبك مش هيموت ياذكي مش تبصلي كده وده حلوه برده .

لو مثلا جبت ببتاع 5 جنيه ورد بلدي مثلا يعني وانت قاعد مع نفسك تفرفطهم في كيسه كده وتخليهم معاك لحد ما تتقابلوا وياااااه بقى لو كانت صبح اليوم اللي هتتقابلوا بيه وتقعدوا مع بعض وتيجو بقى تقعدو مع بعض وتروح ناطر الورد المتفرفط ده عليكم وانتوا قاعدين صدقني هتبقى جميله اوي ولو كان لسه الورد فيه الريحه هتبقى تحفه والله .

في حاجه كده حلوه وهبله في نفس ذات الوقت شوفت تامر حسني عملها في عنيا بتحبك بس هي مكلفه شويه هتجييب شوية شمع وتعملهم على شكل قلب كده وتنورهم وتقعدوا في النص وطبعا في ورد برده مرشوش حواليكم وياعم غنيلها عنيا بتحبك ده ايه ده .

مثلا لو واد جامد اوي تجيب الساعه اللي على شكل قلب ده وكمان الحمرا المهم تروح بقى لواحد فنان بتاع ساعات بس اهم حاجه يكون فنان هيفك الساعه خالص ويجيب البتاع اللي جوه ده اللي عليها الارقام ويشيل كلمة QUARTZ واسم الساعه ويحط " بحبك يا .... " اسمها طبعا مش تسيبها نقط طبعا مع شكل الساعه اللي هو قلب ولونها الاحمر كده بجد هتبقى روعه كل شويه هتشوف بحبك يافلانه في كل وقت عايزه تشوف الساعه فيها وشوف بقى احنا بنشوف الساعه كام مره في اليوم ياعم .

انتي مثلا لو تجيبي علبه قطيفه كده حلوه يعني وتكون حمرا وتجيبي شوية خصلات من شعرك تقصيهم بقى ولا تشديهم المهم تكون حاجه منك ههههه وتحطيهم في العلبه ده ولو جبتي حبه كتار مثلا ممكن تربطيهم برباط قطيفه كده وياااه بقى لو برفنتيهم بورد او تحطي عليهم عطر الورد وفي العلبه كمان كل لما يفتح يشوف الخصلات ده هيشم ريحه حلوه مش ريحة الجاز هههههههههه لا بجد هتبقى تحفه اوي جربيها كده .

لو مثلا شوفتي البرفان اللي هو بيعشقه اوي وتجيبيهوله صدقيني هتبقى حلوه اوي برده .

انت مثلا ياعم حبيبتك قريبتك مثلا او اهلكم صحاب او جيران وعارفيين ان انت بتحب بنتهم وهي كمان ممكن تعملوا حركه مجنونه كده ورومانسيه في نفس الوقت في انك تجيب تيشيرت ابيض وتخلي حد بيفهم بتاع طباعة قماش وتطبع عليه I Love... زي كده صدقني هتفرق اوي معاها ولو انت ماشي معاها مثلا ولابس التيشيرت ده او بتصيفوا مع بعض وكنت لابسه هتحس انك فعلا مجنون وبتحبها اوي لو تلاحظ على الصوره ياجميل هتلاقيها على الصدر يعني جمب القلب ياعم ابسط اي خدمه ياعم وانتي كمان اشمعنى هو لو عملتيها بجد هتبقي تحفه وياااه بقى لو تمشوا انتوا الاتنيين مع بعض هتبقوا تبع فريق الكشافه ههههههه لا بجد هتبقى جميله اوي ورومانسيه كمان .

مثلا تجيبلها سلسه على شكل قلب وفيها صورتك ده برده هتبقى تحفه اوي ياعم .

مثلا حركه مجنونه كده بس رومانسيه برده في البلاليين اللي بغاز ده وتطير لما بتسيبها وفي منها اشكال كده لو مثلا تجيب واحد على شكل قلب وتكتب عليها بحبك يا فلانه وتسيبها تطير صدقني هتبقى لذيذه اوي في نظرها .

ياعم لو بتعرف تغني اعمللها اغنيه ليها هي بس لو بتكتب اشعار برده اعملها اشعار ليها هي وبس لو مجنون اوي وفي كافي شوب انت تعرفه وتعرف الناس اللي شغاله فيه ممكن وانتوا قاعدين مع بعض تخليه يخفت الاضواء ويشغل حاجه رومانسيه اوي صدقني هتفرق برده وهتبقى حلوه وقوللها كلام حلو ياعم كده يعني .

وكده يعني انا الهدف من الموضوع ده ان الحاجه اللي تتعمل تأثر على المشاعر والاحاسيس مش مجرد حاجه عاديه وخلاص وشوفو انتوا بقى لو في اي حاجه في بالكم اكتبوها ياللا وروني الشغل بقى

» لو حبيبك وعدك بحاجه وما عملهاش هتعمل ايه؟؟؟