دى حكايتى ادخلوا واعرفوها

انا ليا قصة هى مش جديدة لان أغلبنا عاشها وهى حب المراهقة أد اية شىء جميل اننا نحب بس أد اية بيبقى صعب علينا لما نفارق بعض المهم عشان ماطولش عليكم


اتعرفت علية عن طريق النت عجبنى فية كلامة ومخة الكبير وخوفة عليا وحبة الكبير ليا المهم أخد رقمى واخدت رقمة وشاف صورتى وشفت صورتة وشفتة كاميرا كمان حبيت فية حاجات كتير وهو كان بيحبنى اوى بس اكتشفت مع الوقت انى مش بحبة واحساسى ليه كان مجرد اعجاب وبس وبالرغم من كدة حبه ليا كان بيزيد يوم بعد يوم وانا كنت فعلا بتعذب مش قادرة أحبة وفى نفس الوقت مش قادرة أجرحة بس كان لازم اخد قرار كنت لازم ابعد عنة عشان هو يقدر ينسانى بجد كان شىء صعب عليا انى اجرح قلب انسان ودة مش اى انسان دة انسان حبنى وكان مخلص اوى معايا اد اية شىء صعب لما تلاقى نفسك مش قادر تدى انسان اللى هو بيديهولك . نفسى دلوقتى بجد أعتزرلة وأقولة اتمنى انك تلاقى انسانة احسن منى وتكون بتحبك اوى واتمنالك كل خير