Admin Admin
عدد الرسائل : 253 العمر : 34 تاريخ التسجيل : 13/08/2007
| موضوع: لو انتم مكانه هتعملوا اية؟؟؟ الثلاثاء أغسطس 21, 2007 7:35 am | |
| انا الموضوع اللى عايز اناقشه معاكم النهارده يمكن يكون غريب شويه ويمكن هتستغربوا اوى منه بس الحكايه دى حصلت وقدامى كمان عايز اعرف رايكم لو انتم اتحطيتوا فى موقف زى ده هتعملوا ايه؟ هيكون ايه رد فعلكم؟ صدقونى الموقف مش سهل الموقف بيمس الكرامه...الكبرياء...الاحترام...منظرك قدام زمايلك فى الكليه بعد كده طبعا انتم الوقتى بتقولوا فى بالكم ماتخلصنا ياعم وقول الموقف خلاص هقول لو انت فى الكليه وربنا هداك ودخلت تحضر محاضرة ومش اى محاضرة دى محاضرة فزياء فى كلية الهندسه انت دخلت وقعدت على البنش فى امان الله وفى نص المحاضرة الشيطان لعب فى دماغك وخلاك تكلم اللى جنبك تعمل ايه محاضرة ممله وانت عايز تكسر الملل قمت ماسك ودان اللى جانبك واشتغلتم انتم الاتنين كلام المهم مين اللى لمحك....شافك......وطب عليك زى القضى المستعجل الدكتــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــور المهم قام نازل من على مكانه وجايلك وقام سالك السؤال المتين فى الماده انت طبعا معرفتش وده العادى بتاعى 3\4 الدفعه المهم كان رد فعل الدكتور انه قام زى الشطورة مديك بالقلم على وشك (مع العلم انك ما غلطتش فيه خالص) ضربك بالقلم قدام الدفعه كلها دفعتك اللى هتفضل معاك خمس سنين (ازا ماكانوش سته او سبع) رد فعلك انت بقى هيبقى ايه هتعمل ايه للدكتور هتضربه.......هتهزقه.............هتسكت ولا هتشتكيه للوزارة بس تعتقد انك لو اشتكيته هيسمعوا كلامك (معتقدش) انا يا جماعه بكلم فى الحاله العامه مش اللى والده وزير او ظابط او عنده وسطه ولا كده انت انسان عادى خالص ووالدك برده مقطعوين من شجرة زى ما بيقولوا ترد كرامتك لنفسك ازاى اللى ضاعت قدام الدفعه | |
|