من حق كل مواطن انه يبص

دى جمله شهيره إتقالت فى أحد أفلام عادل إمام : عريس من جهه أمنيه
لما واحد كان بيبص على حلا شيحه بنت عادل امام فى الشارع ، وبعد كده عادل امام نزل اتخانق معاه
واحد تانى دخل فى الخناقه وقال لعادل امام : إنت بتضربه ليه ؟ عادل إمام قاله بيبص على بنتى
الراجل رد وقاله طب م يبص براحته ، من حق كل مواطن إنه يبص

من حق كل مواطن مصرى انه يبص

بس ياقليل الأدب

بتبص على اية ؟؟

أخدلك صورة ؟؟

*******

جامده جدا

ايه الحلاوة دى

........................

كل الكلام ده بنسمعه من شباب وبنات مصر

هو البص عيب ؟؟

مش حق للمواطن بردو ؟؟

انا ماشى فى الشارع ابص ولا مبصش عينى وأنا حر فيها

ماهو كل واحد له جوز عيون يبص بيها براحته ولا هينزلو قانون اللى هيبص هنشيل له عين
فالمفروض إن كل مواطن إنه يبص على نفسه ولو عنيه جابته على غيره فيبص ويسكت ويخليه فى حاله وللناس إللى مبيخلهمش فى حالهم

أى بنت لابسه بدى ستومك ، وبنطلون ضيق جدا عليها ، والشبشب أبو صابع
وكله كوم والشبشب أبو صابع ده ده كوم تانى خاااااااااالص ، وربنا يهد حيل اللى صنعه ، بجد بجد شبشب متعب مووووووووت

المهم
أى بنت لابسه اللبس ده يبقا ماتزعلش لو حد عاكسها ، وأن كنت أشك إنها ( الغالبيه ) أساسا بتلبس كده لإنها حابه الناس تعاكسها ، لأن لبس البنت بيعرضها بشكل كبير لكيه المعاكسات اللى ممكن تقابلها

عموما أنا بقولها ماتزعليش بقا لما حد يبص ، ويتكلم كمان
وبقولك مافيش قانون ممكن يمنع البص ، بالعكس الدستور كفل حق لكل مواطن إنه يبص
يعنى من الأخر كده : من حق كل مواطن إنه يبص

يالله بقا علشان هنرش قدام المحل

الى يعمل كده شخص غير محترم وبعدين ربنا هوة الى بيقول مش عادل امام وربنا قال غض البصر

اه ولما الواحده تلبش لبس ضيق وبتاع دى برده حاجه ترضى ربنا؟؟؟!!!!!!

وبعدين واحده لابسه لبس ضيق يبقى دى واحده غير محترمه والغلط على اهلها انهم وافقوا انهم يطلعوها كده دى بتبقى واحده عاوزة تلفت نظر الصبيان ولو حد عاكسها تشتمه وبتاع والله اعلم هى بتعمل ايه طب لما مش عاوزة حد يعاكسك بتلبسى ضيق وتمشى مشيه ال ....... دى ليه؟؟؟

انت هتمسك كل واحده تعاتبها على لبسها ميولعو كلهم هما الى هيتعاقبو ولا انت هما حرين ناس بتغضب ربنا تغضبه انت كمان لما تبص عليهم

وبعدين انا اعرف ان الناس الى بتبص دى ناس فاضيه بس فعلا الشخص الى يحب واحده بجد ويسمح لنفسه انه يعمل كده يبقى مبيحبهاش على الاقل يحترم مشاعرها وميعملش كده عشان ميجيش اليوم الى هيه كمان تعمل فيه كده